Um nágrennið
Höfðinn
Krossmýrartorg
Á svæðinu verður Krossamýrartorg hjarta hverfisins þar sem kynslóðirnar mætast. Við torgið verður glæsilegt menningarhús, sem sameinar afþreyingu og samveru, ásamt fjölbreyttri verslun og þjónustu. Fyrir aftan menningarhúsið verður almenningsgarður. Á torginu verður ein af megin Borgarlínustöðvunum.
Smelltu hér til að skoða myndband um Krossmýratorg
Smelltu hér til að skoða myndband frá rammaskipulagshöfundi um Ártúnshöfðann
Myndir frá ASK Arkitektum
Sundlaug við Elliðaárvog
Gert er ráð fyrir sundlaug með heitum pottum og sjósundsaðstöðu yst á svæðinu.
Bryggja
Á svæði 3 er gert ráð fyrir bryggju sem mun bjóða uppá möguleika á fjölbreyttri afþreyingu m.a. á kajökum, róðri og öðru siglingarsporti.
Myndir frá Arkís Arkitektum og ARK Arkitektum
Lífsgæðakjarni við Eirhöfða 2
Klasi í samvinnu við Grundarheimilin og Heima vinnua að lífsgæðakjarna að Eirhöfða 2 á Borgarhöfða. Áætlað er að margvísleg heilsutengd þjónusta verði í kjarnanum, þar á meðal 100 rýma hjúkrunarheimili í rekstri Grundarheimilanna og 160 íbúðir fyrir 60+. Stefnt er að opnun líkamsræktarstöðvar sem þjónað getur öllum íbúum Borgarhöfðans. Einnig kemur til greina að koma fyrir annarri heilsutengdri þjónustu í kjarnanum auk þess sem skoðað verður hvort heilsugæslustöð gæti orðið hluti af verkefninu.
Markmiðið er að skapa samfélag fyrir eldri borgara sem ýtir undir hreysti og heilbrigði, styður við félagsleg tengsl og býður upp á aðstæður við hæfi allra íbúa. Staðsetning hússins, rétt við Krossamýrartorg er eins og best verður á kosið m.t.t. samgangna fyrir starfsfólk, íbúa og gesti. Áformin eru háð því að samningar náist við hið opinbera um rekstur hjúkrunarheimilisins.
Matvöruverslun, skyndibiti og önnur þjónusta í göngufjarlægð
Bónus matvöruverslun hefur tryggt sér húsnæði við Krossamýrartorg en það er aðeins í 3ja mínútna göngufjarlægð frá Eirhöfða 3 og 5.
Á svæðinu er einnig reiknað með hefðbundinni hverfisverslun og þjónustu s.s. apóteki, blóma- og gjafavöruverslun, skyndibiti og fleira.
Í dag er Krónan matvöruverslun og Mathöll Höfða, sem er með 10 veitingastaði, í 10 til 15 mínútna göngufjarlægð.
Mynd frá Bónus
Borgalínan
Borgarlínan er hágæða almenningssamgöngukerfi fyrir allt höfuðborgarsvæðið. Borgarlínan verður með góðar tengingar við strætisvagna sem koma frá nágrannasveitarfélögum. Hún ekur að mestu í sérrými með forgangi á gatnamótum en þannig eykst bæði áreiðanleiki og hagkvæmni.
Borgarlínuásinn liggur við Krossmýratorg og er í fyrsta áfanga framkvæmda.
Nánari upplýsingar um Borgalínuna.
Myndir frá borgalinan.is.
